Klika [Interneteko baliabidea] : fonemekin salto-saltoka / egileak, Matxalen Mejias Bikandi, Aitziber Barrenetxea Goiria, Natividad Martin Francisco

Gure jarduerak argi adierazi digunez, trebetasun metafonologikoak landuz, irakurketa eta idazketa errazago eskuratzen dira. Horregatik, garrantzitsua da hitzen egitura fonikoaren analisian trebatzea, irakurketaren eta idazketaren teknikak ikasi aurretik eta bitartean, batez ere Haur Hezkuntzan (5 urte) eta Lehen Hezkuntzako hasierako mailetan. Kontzientzia fonologikoa lantzea ezinbestekoa da irakurtzen eta idazten ikasteko prozesuan sortu ohi diren sinplifikazioak gutxiagotzeko: hitzak laburtzea, fonemak ordezkatzea, fonemak isiltzea, fonemak eraldatzea... Era berean, funtsezkoa da ahozko hizkuntzaren garapenean ere suertatzen diren ahoskatze-arazoei aurre egiteko. Izan ere, ondo ahoskatzeko, ondo irakurtzeko eta zuzen idazteko, umeak fonemak ezagutu behar ditu.