2030 Agenda eta Garapen Jasangarrirako Helburuak : jatorria, edukia eta jarraipena / Andrés Fernando Herrera; Hegoa

Gizateria, gaur egun, krisi konplexu, sistemiko eta global batean sartuta dago, zeinaren aurrean erantzun sistemiko eta integrala behar den. Hain zuzen ere, Nazio Batuen Erakundearen Batzar Nagusiak Gure mundua eraldatzea: 2030 Agenda garapen jasangarrirako ebazpena onetsi zuen 2015ean; bertan, Garapen Jasangarrirako 2030 Agenda eta Garapen Jasangarrirako Helburuak (GJH) zehazten dira, pertsonen, planetaren eta oparotasunaren aldeko ekintza plan integral eta unibertsal moduan. Agenda berri honek Milurtekorako Garapen Helburuak (MGH) ordezkatu ditu, eta krisi globalari aurre egiteko aukera eman dezakeen ekimen unibertsaltzat eta izaera kolektibo eta integraleko moduan ikusi da. Dokumentu honen asmoa 2030 Agendaren eta GJHen eraikuntza, inplementazio eta ebaluazio prozesuko elementu nagusiei buruzko hausnarketak egitea da; betiere, ikuspegi kritiko batetik, bai haren puntu positiboak nabarmentzen eta baita izan ditzakeen mugak zein diren adierazten ere.