Galderak [Interneteko baliabidea - Webgunea]

Plataforma anitzetarako prestatuta dagoen aplikazio hau hezkuntzarako erreminta paregabea da. Plataforma honen bidez genero-berdintasuna, eskola-jazarpena, droga-kontsumoaren aurkako prebentzioa, hiritartasunerako heziketa, heziketa afektibo-sexuala eta garrantzitsutzat hartzen den beste edozein gai lantzeko aukera izango dute ikasle eta irakasleek. Aurrez proposatutako galderekin saio bat sor daiteke edo irakasleak galdera-sorta berri bat sor dezake bere profilean ‘Galdetegi berria sortu’ izeneko botoian klik eginez eta interesgarriak iruditzen zaizkion galderak definituz. Batean zein bestean, ikasleen helburua saioan sartzea eta ordenagailu eramangarriarekin, tabletarekin edota telefono mugikorrarekin, banaka edo taldeka, galdera horiek erantzutea izango da. Ikasleek galderak erantzuten dituzten momentu berean irakasleak burututako ekintzen berri izango du bere gailuan.