HIzkien mundu magikoa [Interneteko baliabidea] / Maite San Vicente Urkia

Proiektu honen beharra irakasle-jardunean antzemandako hutsune batetik dator. Izan ere, egungo eskola askotako geletan kultura-aniztasuna nagusi da eta orain arte erabilitako metodologiak ez dira ikasle berrien ezaugarrietara behar bezala egokitzen. Asko dira, esaterako, euskaraz ezertxo ere jakin gabe, beren burua irakurtzen eta idazten ikastera derrigortuta ikusten duten ikasleak. Horrek asko zailtzen du ikasketa-prozesua. Are gehiago, frustrazioa nagusitzen da sarri ikasleengan, eta ezintasun-sentimendu horrek beste esparru askotanere eragiten die gero. Aintzat hartu behar da ikasle askoren kasuan ikastetxeko testuingurura mugatzen dela euskararekin daukaten kontaktu bakarra. Egoera horretan, uste dugu ikasleak dauzkan adimen guztiak baliatu behar ditugula bere ikaskuntza prozesuan ahalik eta erarik esanguratsuenean jarduteko. Hala, ikasten diharduenari ikasleak zentzua hartuz gero, askoz ere gogotsuago jardungo du, ezbairik gabe, motibazioa baita ikaskuntza-prozesuaren motorra.