Gernikako arbola : gerra modernoaren landa-azterketa bat

G.L. Steerren maisulanaren seigarren bertsioa da esku artean daukazun liburua. "The Tree of Gernikaren" bi edizioen ondoren, eta "El Árbol de Guernicaren" hiruren ondoren, historikoa da, egiaz, euskarazko argitalpen hau. Gernikako Arbola 1936tik 1937ra bizitza demokratikoaren alde heroikoki borrokatu zen Euskadiko errepublika autonomoaren garaipenen eta tragedien kontakizunik hoberena da. Liburuki hau ez zen, ordea, euskaldunentzat nagusiki idatzi. Espainiako Gerra Zibilean Euskal Herrian zer gertatu zen britainiarrei agertzeko idatzi zuen George Steerrek "Gernikako Arbola", eta jakinarazteko europar diktadurek zekarten arrisku ageriko eta berehalakoa. Gernikako Arbolak zirrara handia egin zuen Estatu Batuetan ere. Ernest Hemingwayk, "For Whom The Bell Tolls" ("Norengatik ari dira joka kanpaiak") liburuaren egileak, bi kopia eskatu zituen; haren lagunak, Martha Gellhornek, bere mentore Estatu Batuetako Presidentearen emazte Eleanor Roosevelti gomendatu zion: "Steer izeneko gizon batek idatzitako liburu bat irakurri behar duzu: Gernikako Arbola du izena. Euskaldunen borrokari buruzkoa da -Timesen Londresko berriemailea da Steer-; ez da gerraz liburu hoberik atera, eta ondo esaten ditu, Espainiakoaren ondoren, nik ikusi zaitudanean esan nahi izan dizkizudan gauza guztiak. Zoragarri idatzia dago, egia kontatzen du, eta liburu gutxi da halakoa, eta gutxiago gaia gerra dutenen artean. Eskura ezazu mesdez". Italiar-abisin...

Deskribapen osoa