Bat bi hiru banpiro

Proposamen berri honek ere liburuaren eta irakurketaren jolas-dimentsioaren alde egiten du, testuaren eta ilustrazioen uztarketa darabil, errima eta erritmoaren bitartez hitzak eta irudiak ezagutzeko. Liburu honek, nola errepikapenean, hala hainbat egoera eta jokaeratan dauden pertsonaia arraro eta baldarren jolas kateatuan oinarritzen den eskema agertzen du. Oraingo honetan, orriotan ageri den figura-saila bere itxura beldurgarria dela-eta nabarmentzen da: banpiroak, mamuak, munstroak eta eskeletoak, lehenengo begiratuan, behintzat, desatseginak edo arriskutsuak diren edo zori txarrari loturik dauden animaliekin batzen dira, hala nola, kaparrak, sugeak, marrazoak, krokodiloak, katu beltzak edo saguzarrak. Nolanahi ere, bete-betean gu harrapatu eta irribarrea eragiten digun begirada samurra, amultsua eta burlatia agertzen dute. Nola humoreak eta trazu gogorreko ilustrazio koloretsuek, hala borobilduriko bazterrez osaturik dagoen kartoizko formatuak ere, liburu soil-soila izatetik haratago, ikasteko eta jolaserako bidea eskaintzen duen objektu erabilgarri bilakatzen dute, aurre-irakurleen eta lehen irakurleen komunikazio gaitasuna garatzeko aukera paregabea eskaintzen duelarik.

Zerrenda:
Egile nagusia: Budde, Nadia
Beste egile batzuk: Olaso Bengoa, Xabier
Formatua: Liburua
Argitaratua: [Arre] : [Pontevedra] : Pamiela ; Kalandraka, 2018
Edizioa: 1. argit.
Gaia
Generoa / Forma Haur eta Gazteentzako Literatura
Loturak: Argitaletxearen webgunea
Adina / Maila: 0-4 urte (urdina)

Internet

Argitaletxearen webgunea
Material-mota Kokapen-kodea Egoera Barra-kodea
Album ilustratuak AI BUD bat Eskuragarri  Eskatu EK19040200