Arreta higienikoa [Interneteko baliabidea] / egileak, Fátima Calvo Rey, Beatriz Tojo Fernández; itzulpena, Marina Ealo Garces; zuzenketak, MaraMara Euskara Zerbitzua

Gizakion beharrizanetako bat da larruazala garbi eta babestua izatea. Beharrizan hori asetzeko, dutxatu edo bainatu egiten gara, edo gorputzeko atal txikiagoak garbitzen ditugu (eskuak, ilea, genitalak, etab.). Pertsona gehienok arazo barik eta modu autonomoan burutzen ditugu ekintza horiek. Mendekotasun-egoeran dauden pertsonek, ordea, muga fisikoak, psikikoak edota intelektualak izaten dituzte. Hori dela eta, haien eguneroko bizitzako ekintzak burutzeko gaitasun batzuk murriztuta egoten dira, eta beste pertsona baten/batzuen laguntza behar izaten dute. Laguntza hori emateaz arduratuko den profesionala mendekotasun egoeran dauden pertsonen arretarako teknikaria (MEPAT) izango da.