Nire sekretuen zuhaitza / Olivier Ka [testua] ; Martine Perrin [irudiak] ; [itzulpena, Miren Agur Meabe]

Paperezko ingeniaritzaren erakustaldia. Hainbat teknika erabiltzen dira (gehienetan leihotxoak dira) "sekretu" hitzaren definizioa eraiki, eta haren inguruko hainbat gomendio zabaltzeko. Kolore biziak erabiltzen dira, batik bat urdinak edo berdeak, eta gorria behin baino ez. Irudiak ikonikoak dira, forma borobilekoak. Obra honen kasuan liburua osoki da objektu literarioa: papera, tinta, trokelatuak eta zintzilikarioak, dena, ezaugarri guztiak testuarekin eta irudiekin bat eginda ari dira lanean. Literatur etiketa bat jartzekotan, liburu hau osoki da objektu poetikoa, baldin eta poesia bezala ulertzen badugu komunikazio ariketa hanpatua egiten ari garela, ideia baten deskribaketa monografikoa, edo, gutxienez, xehea.