(Auto)biografia bat / Xabier Lete ; testu bilketa, hautaketa eta edizioa Inazio Mujika Iraola

Gehiegi izango da esatea euskaldun guztion hezkuntza sentimentalean badela Xabier Leteren kanta bat baino gehiago? Ez dut uste. Euskaltzaleon soinu bandan behintzat badira haren ahotsean nahiz beste kantari batzuenean euria bezain leun sartu zaizkigun poesia zati melodiaz lagunduak.Liburu honetan Inazio Mujika Iraolak egin duena izan da Xabier Leteri egin zizkioten hainbat elkarrizketa bildu, transkribatu eta Leteri berari aukera eman bere bizitzaren berri eman diezagun, bere lanaren berri, bere bizipen eta oroitzapenena, bere fedearena, bere adiskidetasunena, iritzi politikoak, kantuari eta poesiari buruzko iritziak, gure herriari buruzkoak eta herritarrei buruzkoak. Fedea eta Jainkoa, sufrimendua eta heriotza...Elkarrizketagileak desagertu egiten dira, liburua prestatu duen editorea ere bai, eta Xabier Letek berak hartzen du protagonismoa.