Araba, Bizkaia eta Gipuzkoako ondare arkitektonikoa : erlijiosoa

CD-ROMaren edukiaren oinarria Kultura Sailak gure ondare arkitektonikoari buruz egin duen ahalegin handia izan da. Ikastolen Elkarteak ondarearen hedapenera zuzendutako estrategia bat azaldu eta proposatu du, teknologia berrien garapena erabiliz, gazteek gure kultur ondare historikoa ezagut dezaten. Horrez gain, edukiak, formak eta lengoaia aztertu, laburbildu eta egokitu ditu, arkitekturan profesionala ez den jendearentzat. Euskal Autonomia Erkidegoko kultur ondare historikoa jasotzen du proiektu honek. Hau da, Araba, Bizkaia eta Gipuzkoako kultur ondasunak aurkezten ditugu. Proiektuak DBHn eta DBHO etapan ere eduki lezake aplikagarritasuna. Halaber, gazteak biltzen diren inguruetan eta kultur elkarteetan. Lehenbiziko atal honetan Arabako, Bizkaiko eta Gipuzkoako arkitektura erlijiosoa landuko da zabal, zehatz eta era didaktikoan. Horretarako hiru atal landu dira: datu-basea, 265 fitxa eta gaiaren arloko hiztegia jasotzen dira, eliza, ermita, santutegi eta abarren kontsulta iturria; mapa, bisiten ibilbidea antolatzen erraztuko du; eta azkenik, abentura jokoa, irudiz eta animazioz hornitutako estrategia edo abentura jokoa, gidoi erakargarri batean oinarrituz elementu arkitektoniko garrantzitsu batzuen ezaugarriak modu ludikoan ikasteko. Horrez gain, gida teknikoa ere badakar.